فووووووووووووقوا بقى

من غير ما أطول عليكوا

العنوان باين

أغنية لـــ

أحمد مكي

للي بيحصل من الشعب الجزائري و الشعب المصري



كلمات الأغنية



أول جريمة في الكون كانت بين إتنين إخوات

قابيل هابيل يا ريتنا بنتعلم من كل اللي فات

تاريخنا عاد نفسه مليون مرة و مبنتعلمش

و بنسأل نفسنا دايما طب ليه مبنتقدمش

!

قالها راجل حكيم زمان في الإتحاد قوة و في الفرقة ضعف

يا ريتك تفهم معنى كلمة ضعف

عارف الغرب إتحول عالم أول ليه

مشيوا بالظبط ع اللي في يوم جدودك قالوا عليه

الغرب إتعلم مننا فكرة الإتحاد

و ترجم كل كتبنا للغتهم و إتقدم و إستفاد

و إحنا بقينا عالم تالت و كرهنا لبعض زودها

خلانا عالم مكانه ثابت


يا مصر و يا جزائر

إنتوا أحفاد شهداء

لرفع إسم العروبة فوق فدوها بالدماء

و الله لو عملتوا نص اللي إتعمل ما بينكوا

ساعة أمريكا ما جت غزت العراق

مكتش دخلت

خير أجناد الأرض

و أقوى و أعظم ثوار

لو إتحدتوا مع بعض

صوتكوا هيكون جبار

قريت جرايد برة

شوفت اليوتيوب و إتنكدت

يااااااااه

لما الحفيد يضيع جهد الجد

صراع الإخوات بقى منشتات جرايد الغرب

كل المحطوط ع اليوتيوب مش تشجيع دي إسمها حرب

تشجيع بلدك من حقك

مش بس من حقك ده واجبك

إهتف قوم إرفع علمك

شيل كره أخوك من قلبك

و أوعى تخلي الأنانية و العصبية تشوه وطنك

الوطن العربي

ما هو وطني وطنك

فيكوا نفس الأديان

فيكوا نفس الألوان

نفس القارة نفس الوطن

إتنوا الإتنين إخوات

فوقوا

!


( أنا اللي كاتبها كلمة كلمة عشان الكلمات مش موجودة على النت خالص )

ده الرابط

http://www.multiupload.com/5SC45DPJOB


ملحوظة
أحمد مكي من أب جزائري و أم مصرية


تحيا مصر
تحيا الجزائر